Cheng nuai 9.82 hù ruihhlo hâl

24th May, 2024

Mamit district chhunga police station pathumin ruihhlo an man khawm cheng nuai 9.82 hùa chhût chu May 22, Nilaini khan hàl ral a ni.

Ruihhlote chu Mamit SP Lalthangpuii Pulamte hoin Mamit District Hospital bawlhhlawh hàlna (incinerator)-ah hàl a ni a, Mamit District MJA member leh MHIP aiawhte an tel.

Ruihhlo hâlte chu West Phaileng, Kawrthah leh Kanhmun police station-in an mante a ni a; khuh damdawi (cough syrup) ruihna atana hman chi a tam ber a, a dang chu heroin leh ganja a ni.