Chetsualnaah mi pathumin nunna an chán

May 22-23, 2024 chhung khan hmun pahnihah tuia tlâk avang leh lirtheia chetsualna vangin mi pathum an thi.

May 22, 2024 khan Tuivai luia Ṭhelrêt suar vela chêngkawl khawrha a ṭhiante pahnih nena kal Thuamkhanmanga (47 vel), Khawkawn chu tuiah a tla hlum. Thuamkhanmanga hi a ṭhiante'n haw dawnah an hmu zo lo a, khuaah zualkoin an kal a ni. A tûk May 23-ah YMA bultumin zawn a ni a, chhun dar 12:30 velah chengkawl an khawrhna bul lawkah thia hmuh a ni.

May 23 tlai dar 3 vel khan Robert Lalrawngbawla (23) s/o Lilypari, Phunchawng chu Tlawng luia Nghaper lí-ah a tla hlum. Robert-a hi a ṭhiante nen Tlawng luiah an kal a, luia a chêng chu lungah a ke a táng a, chhuak thei loin a thih phah a ni. Zan dar 7 velah a ruang lak chhuah a ni.

May 23 zan dar 10:30 vel khan Lalṭhapuia Hrahsel (34) h/o Liansangpuii, Falkland Veng chu an vengah truck nen an insú a, chetsualna hmunah a hliam tuar loin a thi a ni.