KHAWTHLIR
MLA-in lawmpui
Adviser to chief minister TBC Lalvenchhunga, Aizawl West-I bialtu MLA chuan nimin khan a pisaah a bial chhunga HSLC 2024 top 10-a lang Prisilla Lalmawikimi hnenah lawmpuina a hlan. A biala HSLC result nei ṭha sikul - Sakawrtuichhun, Chawnpui leh Chawlhhmun high school headmaster-te hnenah lawmpuina a hlan bawk.
Ruihhlo that lohna inzirtir
Foundation for Drug-Free Mizoram chuan nimin khan Holy Mission School, Bungkawnah ruihhlo ṭhat lohzia inzirtirna an buatsaih a; zirlai 120 vel an tel.
Vaccine 92.1% pe
Mizoram Cooperative Apex bank-in Republic Veng community hall hnuaia ATM booth an dah thar chu nimin khan NABARD hotu Pankaja Borah-a'n a hawng. ATM booth hmun hi bialtu MLA C Lalsawivunga fund hmanga siam a ni. Apex Bank hian Mizoramah ATM booth 35 an nei tawh.
Solar pumping
Dungtlang Solar Pumping chu nimin khan PHE engineer-in-chief F Liantluanga'n a hawng. Solar pumping hi Jal Jeeven Mission 2022-23 hnuaiah central fund Rs 3,09,72,600, state fund Rs 34,41,400 leh khawtlang thawh khawm Rs 2,10,000 hmanga siam a ni a; ni tin tui litre 9,000 pump chhuak thei tura siam a ni.
Vaccine 92.1% pe
Mamit District Task Force on Immunization chu nimin khan district additional DC Zoremthara Ralte hoin an ṭhukhawm a, kum 2023-24 chhunga hmalaknate an thlirho. Mamit district-a damdawi-inahte naupang hri danna pek tura ruahman 1,525 zinga 1,406 (92.1%) pek a nih tawh thu tarlan a ni.