V/C inthlan result a hriat ta

Mizoram hmar lam khaw 31-a May 19, 2016-a V/C thlanna result chu hriat kim a ni. V/C 31 zingah Congress party-in V/C 15-ah hnehna an chang a, MNF-in V/C pariatah hnehna an chang thung.

Khaw 31-a V/C inthlana political party-te'n hnehna an chan dan chu - INC-in khaw 15, MNF-in khaw pariat, ZNP leh BJP-in khaw pakhat ve ve an la a; party chak bik awm lohna khaw pali a awm a, independent candidate-te chakna khaw pahnih a awm bawk.

Aizawl district bik khuaa an chak dan chu - INC 10, MNF pasarih, ZNP pakhat, BJP pakhat, independent pahnih a ni a, chak bik awm lohna khaw pali a awm. Kolasib district-ah chuan khaw pangaah INC an chak a, khaw pakhatah MNF an chak thung.