NIT zirlaite'n thupha an chawi

21st May, 2016

MSU chuan, National Institute of Technology (NIT), Mizorama hnam dang zirlai thenkhatte'n NIT, Mizoram Boys Hostel-a March 16, 2016 zana thil thleng chung-changah Facebook-a PMO page-ah thupha chawina thu an post tawh tih sawiin, lawmawm an tih thu an tarlang.

MSU tarlan danin, Facebook page-a thupha chawina thu dahtute chu first year zirlai vek - Rohit Kumawat, Anurag Singh, Vikhyat Parashar, Rajneesh Singh, Ankit Singh leh Shivam Patel-te an ni a; Facebook-a an thu post vanga Mizo mipui leh zirlaite rilru tihliam a, mipui thinlung an tiná chu pawi an tih thu te, ngaihdamna sang ber an dil thu leh tun hnuah an tih tawh loh tur thute an ziak a ni.

NIT zirlaite'n thupha an chawi avang hian MSU chuan Aizawl Police Station-a FIR an thehluh tawh chu hnuhkîr an remti a ni.