Thenzawlah IGNOU Centre hawng

Thenzawla IGNOU Study Centre din thar chu nimin khan parliamentary secretary (School Education) Joseph Lalhimpuia'n a hawng.

Joseph Lalhimpuia chuan, School Education department chhungah siamṭhatna tur a awm tih sawiin, siamṭhat hna an thawh mek thu a sawi a; zirna chu economic development bulpui a ni tih sawiin, Education department-in zirna pangngai bakah, infiamna kawng hrang hrangah zirlaite tan kawng hrang hrangin hma a lak mek thu a sawi.

Inkhawmah hian Thenzawl HSS aṭanga kum HSLC-a first division-a pass mi pahnih leh HSSLC-a first division-a pass mi panga hnenah chawimawina hlan a ni.

Thenzawla IGNOU Special Study Centre hi Thenzawl HSS-ah din a ni a, IGNOU Special Study Centre - 1949D-na niin, Mizorama Study Center 43-na a ni.