Leiminin hmun hnihah kawngpui hnawh ping

Ningani zan khan Kolasib leh Bairabi inkar kawng chu leiminin a hnawh ping a; nimin chawhma dar 10:30 vel khan Lawngtlai leh Saiha inkar kawngpui pawh leiminin a hnawh ping.

PWD hotute aṭanga thu dawn danin, Bairabi kawnga leimin hi nimin khan PWD-in an thian nghal a, chhun dar 12 pelhah lirthei tê chi kal theiha siam tlang a ni a, nizan lamah lirthei lian kal theiha siam tlang hman beisei a ni.

Lawngtlai leh Saiha inkar, Lawngtlai aṭanga km. 7 vela hlaa leimin vangin lirthei kaltlang theih lohin a awm mek a; thenfai hna thawh nghal ni mah se, a tam tham avang-in nimin khan siam tlang hman a ni lo a, vawiinah siam tlang beisei a ni.