Media-te'n PWD hmalakna an tlawh

Public Works Department (PWD) Aizawl Road North Division hmalakna hrang hrang chu nimin khan thuthar thehdarhtute'n an tlawh. PWD hotute chuan, Berawtlang panna kawng chu mimal in sain laih vanga chim a nih thu siamṭhat a harsat tur thu an sawi.

Media-te hi PWD Road North executive engineer Lalthanglura Sailo leh SDO-te hoin an thawk chhuak. Berawtlang panna kawng chu NH-54 sira Betty Sanghmingthangi, Bethlehem Veng leh Challiana, Ramthar Veng ten in sak nana an laih avangin a min chhe vek tih an sawi a; Betty Sanghmingthangi in sakna tur laih vanga February 23, 2026-a kawng min chhe vek chu DMR hotute'n an siamṭha dawn a nih loh chuan sa zawm tawh lo tura an tih thu an sawi bawk.

Berawtlang panna kawng hi metre 40 a min chhia a, kawng chu metre 3-in a hniam tawh a ni. PWD hotute chuan, siam-
ṭhat leh ngaihna a vân tawh thu leh, RIPANS lam aṭanga a hêlna an siam chu an zawh ṭêp tawh thu an sawi.

Zonuam leh Tuivamit inkar, hun rei tak siam zawh loa awm tawh tun hnaia siam zawh tak chu tlawh a; a paltlang veng khawtlang hruaitute chuan lawmawm an tih thu an sawi.

Luangmuala kawng km. 3 PWD-in an thawm ṭhat te, Vaivakawn-Bazar Bungkawn kawng thawm ṭhatte chu an tlawh bawk a; Durtlang khaw chhung kawngpui, kum 1985
aṭanga local council leh YMA-te'n hma an lak tawh, kawng chhak lam hnatlanga an laih zauh, PWD-te'n an blacktop mek chu a hmunah an en bawk. Durtlang kawng laih zauh hi km. 3.180-a sei a ni a, side drain pawh km. 1.30-a thui siam a ni.