Pawl 8-in thisen unit 276 an pe

May 25, Inrinni khan Mizoramah pawl pariatin thisen unit 276 an pe. Civil Hospital, Aizawl tan ṬKP, Aizawl East Bialin unit 61 an pe a, petute mipa 42 leh hmeichhia 19 an ni. CHA blood bank-ah Siam Sin Pawl Pi-in unit 57 pein, petute mipa 48 leh hmeichhia pakua an ni a, Mizoram PYD Bethlehem Bialin unit 29 pein, petute mipa 23 leh hmeichhia paruk an ni. Mydo Channel-in unit 5 an pe a, mimala pe mi 14 an awm bawk.

KṬP, Rangvamual Branch-in Synod Hospital tan unit 17 pein, mipa 15 leh hmeichhia pahnih an ni a; ZMC tan Salvation Army Youth Central South Division-in unit 33 pein, petute mipa 29 leh hmeichhia pali an ni.

Mizoram PYD Kolasib Venglai Bialin Kolasib District Hospital tan unit 28 pein, petute mipa 20 leh hmeichhia pariat an ni a; Mizoram PYD Lunglei South Bial leh Rahsi Veng Bialte'n Civil Hospital, Lunglei tan unit 26 an pe bawk a, petute mipa 22 leh hmeichhia pali an ni.