Minister leh MLA hoin an hnatlang; Aizawl hi entawn tlak a nih a ngai - UDPA Minister

ZPM Ṭhalaite chu Save the Riparian huaihawta lui then fainaah May 25, Inrinni khan an hnatlang a, Assembly speaker Lalbiakzama leh UDPA minister K Sapdanga bakah, minister dangte leh MLA-te'n an hnatlanpui.

UDPA Minister chuan, faina lamah Aizawl chu state capital a nih avangin khawpui dangte entawn tlâka an awm a ngaih thu a sawi.

Hnatlangah hian Khatlaa luikawr tihfai a ni a; hnatlang ṭan hmain hunserh hman niin, ZPM Ṭhalai president Jeje Lalpekhlua, MLA-in a kaihruai a ni.

K Sapdanga chuan, faina lamah Aizawl khawpuiah harh tharna a thleng mek tih sawiin, "Save the Riparian-te'n hma hruaiin, Aizawl chauh ni lo, Mizoram hmun hrang hrangah lui dung then fai nacháng kan hre ta. Mizo mipui hian zui tur dik kan hmuh phawt chuan hmun ṭawp leh ṭawp lo thliar loin lui dung pawh kan suar peih mek a ni. A bikin Aizawl khawpui hian faina kawngah hma kan hruai a ngai a, state capital ber hi entawn tlaka khawsak kan zir a ngai a ni," a ti.

Faina hnatlangah hian ZPM president Lalliansawta leh ZPM ṭhalai member mi eng emaw zat an thawk chhuak a; Speaker leh Home Minister bakah, deputy speaker Lalfamkima, minister of state Lalnghinglova Hmar leh MLA dang - W Chhuanawma, VL Zaithan­zama, Lalchhuan­thanga leh TBC Lalvenchhunga te pawhin an hnatlanpui a ni.