Fur hma kawng siam zo turin hriattir

PWD minister Vanlalhlana leh Kolasib bialtu MLA Lalfamkima, dy. speaker chuan May 25, Inrinni khan Sihphir kawng diversion siam mek an tlawh a, fur hma-a hna thawk zo turin kawng siamtute an hrilh.

PWD Minister chuan hnathawktute chu kawng siam hna chak taka kalpui tur leh a rang thei ang bera lirthei zawh theih tura hawng vat turin a hriattir.

Lalfamkima chuan kawng siam mek chu châk lakluhna kawng pawimawh tak a nih thu sawiin, "Khawpui panna kawng pawimawh tak a nih bawk avangin zawhtu pawh an ṭhahnem ṭhin hle a ni," a ti.

Dy. Speaker chuan kawng siam mek hêlna chu furah mipui tan a him tâwk loh thu sawiin, lirthei khalhtuten furah harsatna an tawh loh nan fur hma ngeia siam zo turin thawktute a hrilh.

PWD Minister leh Dy. Speaker hi PWD hotute'n ṭawiawmin, Sihphir khawtlang hruaitute nen chak zawka hnathawh dan tur an sawiho nghal.