Governor-in HSLC leh HSSLC-a pakhatna te chawimawina a hlân

Governor Dr Hari Babu Kambhampati chuan nimin khan kumin High School Leaving Certifcate leh Higher Secondary School Leaving Certifcate exam-a pakhatnate chawimawina thuchei leh pawisa a hlan.

Zirlai ti ṭhate chu Larsapin a mal tê têa kâwmin, lehkha zir chhunzawm an tum dante a zawh bakah, hna leh eizawnna chungchangte a sawipui a, "In thiamnate in hma lam huna hna ṭha tak leh eizawnna ngêlnghet tak neih theihna atan hmang ang che u," a ti.

Governor-in chawimawina a hlante chu - HSLC-a pakhatna Lalmoipuia Lawmzual, St. Paul's HSS; HSSLC-ah science-a pakhatna Lalramdina Ralte, St. Paul's HSS, commerce-a pakhatna David Lalhminghlua, St. Paul's HSS leh arts-a pakhatna Linden Lalremruatpuia, Oikos HSS-te an ni.