MRB-in Synod Hospital-ah khawl pe

Mizoram Rural Bank (MRB) chuan nimin khan Synod Hospital hnenah haemodialysis machine an pe. Khawl inhlanna hi Synod Hospital-ah neih a ni a, MRB chairman Sheryl L Vanchhong-in Synod Hospital director Dr H Lalṭhakima hnenah a hlan a ni.

MRB Chairman chuan, Synod Hospital chu Mizoram mipuiin an thlamuanpui thu sawiin, corporate social responsibility hmanga mipui chhawr ṭangkai theih tur thil eng emaw an ti thei chu lawmawm a tih thu a sawi.

Sheryl L Vanchhong chuan, MRB-in Mizoramah branch 104 an nei tih sawiin, an bank chu mipui tan a ṭangkai hle tih a sawi a; hmun kilkhâwra awmte tan pawh MRB chu hman ṭangkai theih a nih thu sawiin, nasa lehzuala MRB chhawr ṭangkai turin Mizoram mipui a sáwm a ni.