K Vena'n Union Secretary a hmu

Rajya Sabha MP K Vanlalvena chuan October 9 tlai khan Union Secretary of Ayush Vaidya Rajesh Kotecha chu a pisa-ah a kawm a, Parliament House-a a lo sawi tawh, Mizorama ramhmul damdawi siamna tur medicinal plant chungchang leh chumi kaihhnawih thil pawimawhte a sawipui.

K Vanlalvena hian Ayush Secretary hnenah hian ramhmul damdawi siamna small industry Mizorama din tur te, Mizoramah medicinal plant chi hrang hrang awm sate chin punna turin pilot project kalpui tur te, khum 50 ṭheuh awm theihna Ayush Hospital pakhat ṭheuh Aizawl, Champhai leh Hnahthiala din turte leh Institution of Research and Training in Ayurveda and Homeopathy Mizorama din turtein a ngen.

Vaidya Rajesh Kotecha chuan ramhmul damdawi siamna small industry atan project siam a nih chuan a lo approve tur thu te, khum 50 awmna Ayush Hospital district pathum din a nih tur thute leh small industry din turin project siam a nih chuan a lo pawm tur thute Rajya Sabha MP hi a lo hrilh a ni.