Minister leh Police hotute inkâwm

Sports department leh Excise & Narcotics department enkawltu minister Lalnghinglova Hmar chu nimin khan police hotute nen an inkâwm a, Mizorama infiamna tihhmasawn dan tur leh ruihhlo do dan tur bakah, Mizo ṭhalaite hmasawnna tur kaihhnawih thil hrang hranga thawhho dan turte an sawiho.

Lalnghinglova Hmar chuan, "Mizo infiammi tam takin police hna kaltlanga eizawnna leh hmasawnna an lo neih tawh ṭhin chu thawhhona ṭha leh nghet zawk nen chhunzawm zel tum a ni a. Hmeichhe infiammite dinhmun chawisan a ṭul dante pawh kan sawiho a ni," tiin a tarlang.

Inkawmhonaah hian director general of police Anil Shukla leh inspector general of police Lalbiakthanga Khiangte te an tel a ni.