Intiam anga thil ti turin sorkar phût

MNF chuan nimin khan an party pisa, Mizo Hnam Rûnah chhung inkhawm an nei a, thu sawitu MNF general secretary Prof. F Lalnunmawia chuan, ZPM sorkar chu an inzawrh ang leh intiam ang ngeia thil ṭha ti turin a phût.

Prof. F Lalnunmawia chuan, "ZPM sorkar hian an inzawrh ang leh an intiam ang ngeiin thil ṭha ti rawh se. Mipui hnena an inzawrh ang hian an ti dawn em tih hi kan thlir reng dawn a ni," a ti.

MNF-in sorkarna an chan loh chhanah tu mah inmawhpuh tur an awm lo nia sawiin F Lalnunmawia chuan, "ZPM thli a tleh vang mai a ni. MNF-in sorkarna kan chan leh ngei theihna turin rualkhai taka ke kan pên a ṭul. Lungrual takin theihtawp chhuahin bei ila, kan sorkar leh ngei ang," a ti a; kawng hrang hrangah thawhpui zawn thiam a, theihtawp an chhuah tlàn a ṭul thu a sawi.