Chiatna thlenna hmun enfiah

Hnahthial District Disaster Management Authority (DMMA) chuan Inrinni khan an chairman Vanlalmawia, district bawrhsap hoin tun hnaia ruahsúr vanga Hnahthial khawpuia chhiatna thlengte a hmunah an enfiah.

Hnahthial DMMA hian Peniel Venga National Highway kawngpui thlang tlahniam an enfiah a; DC chuan, tui luankawr ṭha tak siam ṭul a tih thu leh khawtlang hruaitute pawhin ngai pawhmawh se a duh thu a sawi a, "Sum awm thei ang ang ngaihtuah a ni ang," a ti.

Thingsai tlangdung châk lâkna kawng chhuat tun hnaia bal chu PWD-in an lai tlang tawh a; Vanlalmawia chuan, kawng chhak lama ram laih hêk a nih avangin, a neitute chu in hmun dang ngaihtuahsak turin VC-te an chah a ni.