TLAWNG LIAN
May 27, Thawhlehni aṭanga ruahsûr avangin nimin khan nasa takin Tlawng lui a lian. Tuilianin Sairangah in eng emaw zat a chîm avangin nimin khan chhungkaw 50 chuangte chu hmun him lamah thiar chhuah an ni. Mihring chenna in bakah sikul pakhat, anganwadi pakhat leh mosque pakhata bungruate pawh thiar chhuah a ni bawk.
Tlawng lui Sairang balu kai kawngpui sira June 13, 2017-a tuilianin a chîm chin chhinchhiahna lung an phun ft. 6½-a sang chu nimin khan tuiin a chîm a, hun rei tak chhunga Tlawng lui a len ber ṭum niin an sawi.