Zirlaite'n luikawr an thian fai

Kolasib College Eco Club chuan May 27, Thawhṭanni khan Tuichhuahen fintu Diakkawn Bazar luikawr leh College Veng luikawr thenfai hnatlang, 'Eco Club - Save Tuichhuahen Project' an huaihawt a, district bawrhsap John LT Sanga'n a vailiam.

Bawrhsap chuan, mihring leh nungchate zalên taka khawsaho tur an nih thu sawiin, "Nungchate khawsakna hmun ram­ngaw tihchereu zel a nih loh nan humhalh tura kan ṭhanharh a ṭul. Boruak ṭha leh tui thianghlim min petu ramngaw humhalh hi mi tin mawhphurhna a ni," a ti a; Kolasib College Eco-Club hmalakna chuan tuihna leh ramngaw hum­halhna kawngah Mizoram hmun hrang hranga ṭhalaite thinlung a kaih harh ngei a beisei thu a sawi.

Save Tuichhuahen Project hnatlangah hian zirlai 40 chuang an thawk chhuak a, Eco Club hruaitute leh zirtirtu'n an telpui a ni.