MPCC-in leimin vanga thite rál dawn; Chhiat tâwk vengte ṭanpuina an hlan

Mizoram Pradesh Congress Committee (MPCC) chuan tun hnaia Mizoram hmun hrang hranga chhiatna thleng vanga thite râlna Rs 5,000 ṭheuh pek an rel a, nimin khan chhiatna tuartu veng YMA-te hnenah Rs 10,000 ṭheuh an hlan.

MPCC chuan, Cyclone Remal vanga ruahsur nasa takin Mizoramah chhiatna a thlen a, mi eng emaw zat an thih phah tih tarlangin, "Mi tam takin hliam an tuar a, in leh lo an chán a, thlanmual min vangin veng tam tak an buai. Heng thlil thleng zawng zawng hi a pawi kan ti. Lusûn chhungte kan tuarpui a, hliamte pawh dam leh thuai se kan duh," an ti.

Khuarel chhiatna a thlen chánga Mizote'n tlawmngaihna par vultir a, mawhphurhna la ṭhin YMA an awm chu vanneihthlak an tih thu tarlangin MPCC chuan, "YMA hian fak leh chawimawi an phu hle," an ti a; YMA an chhuan thu an tarlang.