MNF President-in chhiatna thlenna a tlawh

MNF president Zoramthanga chuan nimin khan Melthum leh Hlimena chhiatna thlenna hmun a tlawh a, MNF party-in a theihna apianga theihtawp chhuah zel an tum thu a sawi.

Zoramthanga hian chhiatna thlenga thite thinlung taka a sûn thu leh hliamte an dam thuai a duhsak thu a sawi a, "Cyclone Remal vanga Zoram dung leh vânga chhiatna tuartute chu MNF party chuan thinlung takin kan tawrhpui a, kan tih theih an neih apiangah theihtawp chhuahpui zel kan tum," a ti.

Khawchhe hnuaia nunna thàpa chhanchhuah hna thawktu Mizo tlangvalte inpekna chhuanawm a tih thu sawiin Zoramthanga chuan, chhiatna kara Zo nun ze mawi lang chhuak zel chu ropui a tih thu a sawi.

MNF President leh amah ṭawiawmtu Thorang bial MLA Rohmingliana ten chhanchhuah hna thawktute'n a ṭula an hman atan pawisa leh mitthi tuamna puan Central YMA hnenah an hlan a ni.