Hnahthial dist-ah chhawmdawlna pe

Cyclone Remal vanga thli leh ruah thawkin Hnahthial district-a chhiatna a thlenna hmunah nimin khan sorkar hotute'n chhawmdawl ngai leh ṭanpui ngaite an tlawh a, tarpauline eng emaw zat an pe.

Hnahthial district-ah hian chhiatna lian tham thleng lo mah se, lei tlahniam, chenna in chhia leh leimin vanga inkalpawhna kawngpui tlang lo a awm nual a; chu'ngahte chuan DC pisaa thawkte leh VC-te bakah, tlawmngai pawlte chuan chhawmdawlna an kalpui. Hnahthial aṭanga Serchhip leh Hnahthial aṭanga Lunglei inkalpawhna NH 54-ah leimin vanga harsatna a awm hriat a ni lo.

Bawrhsap Chuauhnuna chuan, mipuitin khualrel chhiatna an tawhin an in leh lo mai a chhe lo a, an rilru leh ngaihtuahna thlengin a nghawng tel ṭhin tih a sawi a; Hnahthial district-a khaw hrang hrang VC-te chu chhiat tâwkte hnenah a hma thei ang bera chhawmdawlna pek a nih theih nan district thuneitute a rang thei ang bera hriattir turin a chah a ni.