BAIRABI BULAH Tlawng lei dawh lai a chim

Nimin chhun dar 11:30 vel khan Bairabi bul Tlawng lei (RCC), Kolasib district leh Mamit district inkalpawhna tur dawh mek chu a ban leh ban inkara cement chhûn mek dona tui lianin a len chiat avangin a chim.

Kum 2007-a dawh ṭan Tlawng lei hi metre 160-a sei tur a ni a, a chim lai hi ban leh ban inkar metre 40 niin, dawh zawh tawh metre 120 chu a chhe tel lo. A chimna laiah hian May 20, 2016 khan cement an chhûng a, a la ngheh loh avangin tui lianin a dona ban chu lên chhiain a chim ta a ni. Lei chim vang hian thi leh hliam an awm lo.