Lirthei tlân dan tur ruahman

Traffic SP C Lalthanmawia chuan thupek chhuahin, Zemabawka leiminin Aizawl-Lunglei Road (NH-54) kawngpui a hnawh avangin lirthei kaltlang theih a ni lo a, lirthei tlân dan tur a ruahman.

Traffic SP-in hriattirna a chhuah danin, Zema-bawka Mining check-gate leh Zemabawk inkar chu Zokhawsang leh Berawtlang lamah kal theih a ni a, mahse kawng a têt avangin 407 truck (MMV) leh a aia tête chauh kal phal niin, intlan chhâwk tura ruahman a ni.

Aizawl aṭanga Tuirial lam pan turte tan zing dar 5:00 - 8:30, chhun dar 11:30 - 2:30, tlai/zan dar 5:3 - 8:00 leh zan dar 11:30 - 1:30 inkarah kal theih a ni ang a; Tuirial aṭanga Aizawl lam pan turte tan chawhma dar 9:00- 11, tlai dar 3:00 - 5:00, zan dar 9:00 - 11 leh zing dar 2:00 - 4:30 inkarah kal theih a ni ang.

He ruahmanna hi vawiin aṭanga NH-54 kawngpui a tlang hma zawng hman tur a ni a; chhiatrupna thil, kângmei leh emergency kaihhnawiha duty leh dan leh thupek pawimawh bika duty-te erawh a huam lo.

Traffic SP chuan, Serchhip tlangdung khaw ṭhenkhat, motor tê hmanga Aizawl kal turte tan Khumtung-Muallungthu via Paikhai kawngah kal theih a nih thu a tarlang bawk.