Damdawi hmansual vangin mi 28 an thi

Excise & Narcotics department chhinchhiah danin, kuminah (May 13, 2016 thlengin) damdawi hmansual vanga nunna chán Mizoramah mi 28 an awm tawh a, chu'ngte chu mipa 23 leh hmeichhia panga an ni.

Kum 2015 chhung khan damdawi hmansual vanga thi mi 27 an awm a, kuminah hian kum chanve hmain nikum aiin damdawi hmansual vanga thi an tam tawh zawk. Nikuma damdawi hmansual vanga nunna chánte chu mipa 24 leh hmeichhia pathum an ni.

Excise & Narcotics department-in record a neih chin, kum 1984 aṭangin kumin May 13 thlengin damdawi hmansual vanga nunna chán Mizoramah mi 1,370 an awm a, chu'ng-te chu mipa 1,224 leh hmeichhia 1,370 an ni.

Damdawi hmansual vanga thi tam chhan ber chu parvon spas/proxyvon hman vang a ni a, parvon spas/proxyvon hmansual vangin mi 1,165 an thi tawh a ni.