NFSA hnuaia buhfai dawng tur Tidanglamah bialtu MDC puh

Pang Zirlai Pawl (PZP) general headquarters, Va-thuam-pui chuan thu-chhuah siamin, Vaṭhuam-pui khuaa National Food Security Act (NFSA) hnuaia buhfai dawng tura thlante an bialtu MDC C Lalneihkhuma'n ama thuin a tidanglam vekl niin an tarlang a; hei vang hian an lungawi loh thu an puang.

PZP chuan, Vaṭhuam-pui V/C kaihhruai Selection Committee-in an thlan angin NFSA hnuaiah kumin April leh May thla khan mipuite'n ration buhfai an khul tih an sawi a; C Lalneihkhuma, LADC executive member chuan Village Selection Committee hriatpui lohin NFSA hnuaia buhfai dawng tur a tidanglam vek nia sawiin, "Chhungkaw awm thei leh khawsa thei zawk leh nupaa sorkar hnathawk, NFSA-a awm lote pawh priority house hold (PHH) category-ah a dah a, sorkar hnathawk lo leh chhungkaw harsa zawk hmeithaite leh eizawnna nei mumal lote NFSA
aṭangin a paih a ni," an ti.

Congress party chhung-kuate chu NFSA hnuaiah dah luh vek an nih laiin, party dang chhungkuate chu Selection Committee ráwn loin bialtu MDC-in ama thuin a thlak nia sawiin, "Sorkarin a rang lamin enquiry la ngei se kan duh," an ti a; Vaṭhuam-pui chhuahsana hmun danga awm tawh chhungkua 13-te pawh an ration card tihtawpsak ni se an duh thu an sawi.