ILP fel lo hnam dang 50 hmu chhuak

Serchhip police-te leh YMA sub-headquarters, Serchhip ruahman angin May 20, 2016 zan khan Serchhip khawpui bakah, group pathum huam chhungah YMA branch hrang hrangte'n hnam dangte zingah Inner Line Permit (ILP) nei leh nei lo en enfiah a; ILP nei lo, hmang dik lo leh thi tawh hnam dang 50 an hmu chhuak.

Hnam dang, ILP nei lo, hmang dik lo leh ILP thi tawh neitute chu Serchhip Police Station-a khawm an ni a, May 21 khan Chief Judicial Magistrate hmaah hruai an ni. ILP nei lo leh hmang dik lo eng emaw zat chu an ram lama thawn haw tura tih an ni a, ṭhenkhat chu pawisa chawi tur leh ILP siam
ṭhattir tura tih an ni thung.

Serchhip sub-head-quarters YMA hruaitute chuan, tunlai hian Ser-chhip district-ah Mizote'n an tih ve theih reng sum-dawnna tam tak chu hnam dangin an khawih tih sawiin, rei lo têah leilung fate an rêpchár thei mai dawn niin an sawi a; Serchhip district-a Mizo ṭhenkhat, hnam dangte sumdawn theih nana lo sponsor ṭhin an awm chu pawi an tih thu leh, ILP pe chhuaktute'n awlái lutuka ILP an pe chhuak ṭhin chu ṭha lo an tih thu an sawi bawk.