Ram dang nungcha 24 man

31st May, 2024

Kanhmun police check gate-a duty police-te chuan May 25, 2024 khan Aizawl leh Agartala inkara tlan maxicab TR-06 0002-in dan loa a phurh rûl 18, satel pali leh záwng pahnih an man.

Lirthei neitu leh khalhtu Chawngthanmawia (32) s/o Laxmi Dal, Tudui, Amapur district, Tripura chuan nungchate chu Binoi Molsom (34) s/o Company Manik Molsom, Bakbasa, North Tripura, Melthum Silaimuala khawsa mekin Zodin Bus Stand, Aizawl aṭanga a thawn, Agartala-a dah tur a nih thu a sawi. Police-te chuan Binoi Molsom pawh an man ve leh a ni.

Police-te chuan nungcha an mante chu Kanhmuna EFCC Range Officer hnenah an hlan chhâwng a ni.