Bawlhhlawh sâwngbàwl dan tur sawiho

Aizawl Municipal Corporation (AMC) commissioner Lalhriatpuia kaih­hruaiin a pisaah nimin khan AMC leh National Institute of Technology (NIT) Mizo-ram hotute'n Aizawl bawlhhlawh sâwngbâwl dan felfai zawk duang tura thawhho dan tur an sawiho.

Ṭhutkhawma sawiho zingah - Aizawl khawpui bawlhhlawh nihphung (waste characterization) zirchianna neih dan tur te, mipui inzirtirna kalpui zel dan tur te, felfai zawka bawlhhlawh khawn khawma sâwngbâwl dan tur ruahmanna siama thawhho dan turte a tel.

Bawlhhlawh paih mumal zawka thliar hran dan tur leh sâwngbâwl dan tur chungchangah hma­sawnna a awm theih nan local council-te nen tun dinhmun aia ṭha zawka kal dan tur te, bawlh­hlawh aṭanga mipui mamawh siam chhuah dan turte leh thawhho dan turte an rêl bawk.

Thawhhonaa hma­lakna turah Indian Institute of Technology (IIT) aṭangin sum a awm theih beisei a nih thu an sawi a; July 2024-ah AMC leh NIT, Mizoram ten a kaihhnawih dangte nen zirhona buatsaih an tum a ni.

Ṭhutkhawmah AMC hotute bakah, NIT, Mizoram aṭangin Mechanical Engi­neering Depart­ment-a asso­­ciate professor pakhat leh Civil Engineering Depart­ment-a HoD leh mithiam dangte an tel.