Chhiatna thleng chungchangah Amit Shah leh CM an inbia

Union Home minister Amit Shah chuan nimin khan chief minister Lalduh­oma phone-in a bia a, tun hnaia Cyclone Remal vanga Mizo­ramin chhiatna a tawhah a tawrhpui thu leh a ṭulna apiangah puih a in­huam reng thu a rawn hrilh.

Sorkar thuchhuah tarlan danin, Amit Shah chuan, Mizoramin a ma­mawh chuan sorkar lai­puiin Mizo­ram­ah team of expert a rawn tirh theih thu a hrilh a; chhiatna thlen dan leh a nghawngte kimchang takin a rang lama thehlut tur leh, sorkar laipuiin a ṭul angin a ṭanpui dawn thu a hrilh bawk.

CM Lalduhoma chuan, chhiatna chanchin kim­chang report puah­chah mek a nih thu leh chawlh­kar tharah sorkar laipuiah an thehluh hman an beisei thu sawiin, Union Home Minister chu lawmthu a lo hrilh a ni.