Mau chungchang zirho a ni

Forest Stewardship Council (FSC) India leh ICFRE Bamboo and Rattan Centre, Bethlehem Vengthlang leh King Industries-te chuan nimin khan ICFRE-BRC conference hall-ah mau chingtute leh mau sawngbawlna lam buaipuitute tan, 'Meeting cum Workshop on Forest Certification' an buatsaih.

Zirhonaah hian zirlai te, interior designer-te leh mau hmanga eizawnna dintu pawl hrang hrang aiawhte an tel a, Environment, Forest & Climate Change department official-te'n an chhim bawk.

FSC India country director Dr Suresh Gairola, IFS (Rtd)-in mau enkawl leh sawngbâwl dan a zirtir a, Mizorama mau leh ramngaw aṭanga eizawnna zau zawk leh awmze nei zawka hlâwkna an tèl theih dan tur a sawifiah a ni.