Ruang pakhat hmuh belh

Melthum leh Aibawka leiminin a chhilh vanga thite chu nimin khan ngawrh taka zawn chhun­zawm a ni a, ruang pakhat - Vanlalruali (34), Aibawk ruang hmuh belh a ni.

Ruang zawngin Melthum, Aibawk leh a chhehvel khua/venga mi tlawmngai te, police, NDRF, CDRT, Aizawl DC hnuaia Quick Response Team, Cenral YMA Disaster Response Team leh CYMA-in hnatlang tura a ruat YMA branch-a mi tlawmngaite an thawk chhuak a ni.

Ruang hmuh kim a la nih loh avangin vawiinah pawh zawn chhunzawm a ni dawn a, leiminin in a hnawlna chhehvel bakah, Tlawng lui - Reiek kai leh Lengte kaiahte zawn a ni ang.

CYMA chuan Aizawl khawpui chhunga branch YMA ṭhenkhat bakah, Nghalchawm, Sihhmui, Sairang, Sairang Dinthar, Mualkhang, Khamrang, Hortoki leh Bairabi branch YMA-te chu hnatlang turin a ruat a ni.