Bangladesh ràltlân 163 rawn lut

Bangladesh sipai leh Kuki Chin National Army (KCNA)-te inkahna avangin tun hnai khan Bangladesh aṭangin sahimna zawngin mi 163 chu Chamdur-P, Lawngtlai district-ah an lut.

Bangladesh, Chittagong Hills Tract-a tlang mite'n thuneihna sang zawk an ngiat avangin Bangladesh sipai leh KCNA-te an inbei a; chuvang chuan mi eng emaw zat chu tun hnai khan Mizoramah an rawn tlanchhia. Chamdur-P khuaa raltlan lutte chu chhungkaw 41-a mi 163 an ni a, puitling mipa 57 leh hmeichhia 48 bakah, naupang - mipa 29 leh hmeichhia 29 an ni.

Sahimna zawnga Lawngtlai district-a lutte hi May 31, 2024 chawhnu dar 2 vel khan Lawngtlai district-a Mautlang khuaah an lut a, chuta ṭang chuan Chamdur-P khawtlang hruaitute'n lirtheiin an khuaah an hruai a, an riahna tur leh ei turte an buaipui a ni.

Chamdur-P khuaah hian raltlan mi 291 an awm mek a; sorkar official-te'n thil awm dan a theih ang anga vilin a enchiang mek.