Pawl 7-in thisen unit 309 an pe
June 1, Inrinni khan Mizoramah pawl hrang hrangin thisen unit 309 an pe. KṬP, Model Veng Branch chuan an silver jubilee (June 12) pualin thisen unit 63 an pe a, petute mipa 49 leh hmeichhia 14 an ni. Ṭhuampui Venglai Presbyterian Kohhranin an hall-ah Synod Hospital tan unit 50 an pe a, petute mipa 41 leh hmeichhia pakua an ni.
Salvation Army Youth, Central South Division-in ZMC tan unit 49 pein, petute mipa 38 leh hmeichhia 11 an ni a; Independent Church of India (ICI)-in Civil Hospital, Aizawl blood bank-ah unit 34 an pe.
Isua Krista Kohhran (IKK) Ṭhalaite'n Buangpui khuaah Serchhip District Hospital tan unit 32 an pe a, petute mipa 16 leh hmeichhia 16 an ni. ṬKP, Lunglei Venglai unit-in Lunglei Civil Hospital tan unit 56 pein, petute mipa 37 leh hmeichhia 19 an ni a; ṬKP, Diltlang South Bial member mipa 23 leh hmeichhia pahnihte'n Lawngtlai District Hospital tan unit 25 an pe bawk.