Truck chesualah mi pahnih thi

June 1, Inrinni tlai dar 6:30 vel khan Vapar aṭanga Champhai pana tlan 407 truck pakhat chu Vapar aṭanga km. 6 vela hlá, Changpui bulah chesualin, kawng thlangah a lum a, mi pahnih an thi a, hliam an awm bawk.

Thu dawn danin, lirthei chesualah hian mi panga an chuang a, chetsualna hmunah lirthei khalhtu Thangkhansiama s/o Endawnga leh Nemngaihkimi (52) w/o Vialsawmmanga, Vapar khuate an thi a, Inrinni zan vêk khan an ruang lak chhuah a ni. Hliamte chu Champhai damdawi-in panpui an ni.