APBY vice president-ah Mizo thlang

May 29 - June 1, 2024 chhung khan Melaka, Malaysia-ah Asia Pacific Baptist Youth (APBY) Conference vawi 18-na neih a ni a, APBY vice president atan Upa Jacob Vanlaltana Khiangte thlan a ni.

APBY inkhawmpui hi kum 5 danah neih ṭhin a ni a, Asia leh Asia páwn lam ram 30 aṭangin palai 700 chuang an tel a, Mizoram aṭangin Mizoram Ṭhalai Kristian Pawl leh Lairam Isua Krista Baptist Kohhran Ṭhalai Pawl member eng emaw zat an tel bakah, BCM, Hnahthial Area Choir an tel.

Inkhawmpuiah hian APBY vice presi­dent atana thlan Jacob Vanlaltana Khiangte bakah, Esther Vanlalnunpuii Sailo leh Zirsangpuii ten workshop-ah thu an sawi a; Lalthansangi Ralte chu worship band member a ni a, ṬKP aṭangin Lalhlumawii leh LIKBK Ṭhalai Pawl aṭangin Celestina Vanlalhriatpuii te an zai bawk.