KHAWTHLIR

Kuhva rah man

Khawzawl Police-te chuan June 1, Inrinni zing dar 2 vel khan Sialhawkah truck 10 aṭangin Myanmar aṭanga lakluh kuhva an man. Khawzawl Police-te chuan Champhai Custom kutah hlan an tum a, mahse anni lamin a dahna an neih tawh loh avangin a remchang changah motor nen an dah tawp.

Hmalakna kalpui

Cod Nerc chuan hmarthimpui su êng tura NABARD nen ṭangkawpa project an kalpui mekah Sakawrdai, Ṭinghmun leh Zohmunahte ṭanpuina dawng turin chhungkaw 200 an thlang a; chhung-kaw 160 chu litchi an chìntir a, chhungkaw 40 chu vawk an vulhtir thung.

AR-in heroin man

Assam Rifles sipaite chuan May 30, 2024 khan Mélbûkah heroin (No. 4) gram 146, Champhai Zote-ah gram 22 leh Champhai-Aizawl kawngah gram 1,219 bakah, a neitua puh mi pathum an man. Heroin an man zawng zawng hi gram 1,387 a ni a, Rs 9,70,90,000 hû a ni.