Chhiat tâwkte ZPM-in an tawrhpui

ZPM party chuan thuchhuah siamin, Cyclone Remal vanga Mizoram hmun tam takah chhiatna a thleng chu pawi an tih thu leh chhiatna tuartute an tawrhpui thu an tarlang a, chhiatna thleng chungchangah sorkarin theihtawp a chhuah thu an tarlang bawk.

Chhiatna thleng chu mi tam takin an tuar tih sawiin ZPM chuan, "In leh lo leh neih zawng zawng hlâwm tur nei loin an chán vek a, ZPM chuan chhiatna tàwpkhâwk tâwktute a lainatin a tawrhpui tak zet zet. Lusûn chhungte kan tawrhpui tak zet a ni," an ti.

ZPM chuan, chhiatna thlengah sum leh paia harsa chungin Mizoram sorkarin ṭan a la nia sawiin, "Vanduaina tuartute tu mah hmaih an nih lohna turin fimkhur leh taima takin hma an la a, minister-te leh MLA-te an thawk rim em em a, ruahpui hnuaiah pawh an thawk chhuak a ni," an ti a; sorkar hotute leh chhanchhuah hna thawktu zawng zawng chungah an lawm thu an tarlang.