MZP leh Thinghlun resolution
MZP hruaitute chuan October 11, Pathianni khan Thinghlun khaw dáia Assam Police leh Forest mite'n Mizo thlám an hâlna hmun an tlawh a; Thinghlun khawtlang hruaitute bakah, YMA, MHIP, MUP leh MZP hruaitute nen inkâwmin, resolution an siam.
MZP president B Vanlaltána chuan, Thinghlun dáia thil thleng chu hriatthiam har an tih thu sawiin, "He thil thleng hian sorkar leh mipui min béng harh se, ramri chinfel kawngah sorkar hian nasa leh zualin hma la rawh se tih hi kan duh dan a ni," a ti.
Joint Meeting resolution
1. John Zolawma thlám Assam Police leh Forest department-in an hâl chhiat hi sak ṭhat leh ngei ni rawh se.
2. Assam-in kan ram dik lo taka min chuhpui hi kan dem tak zet a, tun hnuah a thleng nawn leh a nih chuan chhàn lêt ve ni rawh se.
3. Thinghlun khuaa IR temporary post hi dah ngheh a nih a, changtlung zawka thuam chak a nih theih nan hmalak ni rawh se.