V/C executive body siam hun

Mizoram State Election Commission (SEC) chuan May 19, 2016-a Aizawl district leh Kolasib district-a khaw 31-a V/C bye-election-a thlan tlinte chu May 31, 2016 aia tlai loa Village Council Executive Body din vek turin a hriattir.

SEC-in thupek a chhuah dan chuan, V/C tharte chuan June 1, 2016-ah mawhphurhna an la ang a, returining officer kaihhruaina hnuaiah ṭhutkhawm hmasa ber an nei nghal ang. Chak bik (majority) party awm lohna leh harsatna eng emaw bik vanga May 31-a executive body siam thei lote chuan acting president an siam ang a, chu chuan June 1-ah mawhphurhna an la ang a, June 6 hmain executive body an din tur a ni.

V/C executive body din tawhte chuan June 3 aia tlai loah a list, an awmna DC-ah an thehlut tur a ni a; May 31-a executive body siam thei lote chuan June 8 hmain an list DC hnenah an theh-lut tur a ni thung.