MNF-te kan danglam : Zoramthanga

MNF president Zoramthanga chuan, MNF chu political party dang nena khaikhin chi a ni loa sawiin, "Kan thil tum leh kan party din chhuah danah kan danglam em em a ni," a ti.

May 24, 2016-a MNF hnuaiah peng hrang hrang - Senior Front, Women Front leh Youth Front-te puala Liando Resort-a political training buatsaihah thu sawiin, Zoramthanga chuan frontal hrang hrang hruaitute chu a fuih a; "Kan party hming bulah emaw, hming tawpah emaw belh leh paih a awm a nih chuan MNF a ni tawh lo tihna a ni," a ti a; MNFD tih te, MNFN tihte pawh piang tawh mah se, chungte chu MNF nena inkungkaihna nei lo an nih thu a sawi.

MNF President chuan, "MNF hi kan ram leh hnam a ral a nih loh chuan a ral lo
ang. Pathianin kan ram,
hnam leh kan sakhua humhim tur hian min din a ni," a ti.

MNF senior vice president Tawnluia pawhin thu sawiin, "Kan thlahtute aṭanga Pathianin min pek Mizoram leh a leilung fate humhalha venhim te, kan sakhaw humhim leh chawisan te, Mizoram tihhmasawn leh mipui dinhmun chawikân te, rorêlna dik, fel leh thianghlim taka ram enkawlna hna thawhte hi kan party-in kan innghahna leh thil tumte an ni," a ti.