Synod-in PES zirlai ti thate lawmpui

26th May, 2016

Mizoram Synod chuan May 25, 2016 khan Synod Office-ah HSLC Examination 2016-a Presbyterian English School ti ṭhate lawmpuina hun an hmang a; HSLC-a exam nei sikul 17-te pass percentage chu 92.2% a nih thu an tarlang.

Synod hian Presbyterian Kohhran din high school hrang hrangte aṭanga HSLC 2016-a distinction-a pass zirlai 26 hnenah laptop an hlan. Presbyterian English SChool (PES) aṭanga HSLC-a ti ṭha zual pathumte chu - Lalropuia, PES Ramthar, Aizawl; Lalrinfeli, Millennium PES, Serchhip leh Vanlalbiaktluanga, PES Serchhip-te an ni.

PES zinga ti ṭha zual sikulte chu - Keifang PES, Champhai Zotlang PES, Serchhip PES leh East Lungdar PES-te an ni. Mizoramah PES 123 a awm mek a, chu'ng zinga PES 17 chuan HSLC 2016-ah candidate an nei a ni.