Arms Act leh Arms Rules sawifiah

Home department chuan thuchhuah siamin, mi ṭhenkhatte'n chanchinbuah silai an zuar hmuh a nih ṭhin thu a tarlang. "Arms Act leh Arms Rules-ah hian silai lei leh zawrh dan turah dan leh hrai fumfe tak a inzam a, dan kalha zawrh leh lei khap tlat a ni," a ti a; dan loa silai lei leh zuar lo puitu chu dan hnuaiah na taka hrem theih a nih thu an sawi.

Home department tarlan danin, miin arm licence hmanga silai a neih chu mi dang arm licence nei bawk hnenah chauh a hralh thei a, licence nei lo hnena silai hralh chu dan kalh a ni. Arm licence chu mimal hnenah danin a phût anga tlingte hnenah chauh pek ṭhin a ni a, hralh chhawn theih a ni lo.

Miin a arm licence leh chumi hmanga a kawl silai chu a hralh thiang lo. Mi
ṭhenkhatte'n an arm licence leh chumi hmanga silai an neih chu a rualin an hralh
ṭhin a; a leituin dâwt phuahchawpin retainer licence an siamtir leh ṭhin tih hriat a ni a, chutiang ti
ṭhinte chu man an nih chuan na taka hrem theih an ni.

Retainer licence chu Arms Rule hnuaia Rule 13-naa a inziah ang chuan, arm licence neitu chhûng hnai te, a aiawhte leh a mi chhawrte hnenah chauh pek theih a ni.