SPANY -in Yoga chungchang sawifiah

Society for the Propa-gation of Ayurveda, Naturophathy and Yoga (SPANY)-te chuan sorkar lai-puia Department of AYUSH bultumin nimin khan Ayush office hall, Khatlaah yoga chung-chang sawihfiahna leh zir-tirna hun an hmang.

Inkhawmah hian yoga therapist Bijoy Laxmi Hota-i'n yoga chhuah dan leh a ṭobul sawiin, eng sakhuana nen pawh a inmil niin a sawi a, "Yoga hi leilung mawi--na, ramngaw, pian-zia-te leh nungchate chêt dan chi hrang hrang lak khawm
aṭanga mihring taksa sâwi-zawi dan a ni," a ti.

Mizoram Police Yoga Training Centre-a nodal officer PC Lianthanga chuan, yoga chungchangah thuchhuah siamin, Union Home Ministry-in India ram puma police mi leh sate an hrisel zawk nan India ram thiamna chi hrang hrang hmanga taksa leh rilru sâwizawina tur state tinah training centre siam tura a tih thu sawiin, Mizoram sorkar pawhin hma a la ṭan tih a sawi.

PC Lianthanga sawi danin, Yoga Training Centre an tih mai chu Physical and Stress Management Training Centre tia vuah a ni a; enkawla kalpui tur-in SPANY nen ṭanghoin tunah hian Bijoy Laxmi Hota an chah chhuak a, instructor-te training neihpui mek an ni.