Central scheme kalpui dan tur sawiho

Rural Development minister R Lalzirliana hoin nimin khan Secretariat conference hall-ah MGNREGA leh sorkar laipui scheme dang kaikawpa hna ṭha leh hlâwk zawka thawh a nih theih dan tur sawiho a ni.

Meeting-ah hian district hrang hranga DRDA project director-te leh line department hotute’n report an pe a; kum 2015-16 chhunga convergence plan hlawhtlin dan leh harsatna awm te, kum 2016-17 atana hmachhawp hrang hrang te, department-te leh RD department inkara inbiakpawhna ṭha tâwk lo leh hna thawhna tur sum hmuh inrual loin hna a tihkhaihlak thute leh, kum tharah chuan ṭha zawka thawhho dan turte an sawiho.

Sorkar laipuia Rural Develop-ment Ministry chuan kum 2014-15 kha ‘Year of Convergence’-ah puangin, chumi pual chuan ‘Convergence of MGNREGA with other schemes’ kalpui ṭan a ni a; Mizoram sorkar pawhin zui vein, ‘Mizoram State Conver-gence Plan 2016-17 under MGN-REGA’ a duang tawh a ni.

He plan hnuaiah hian scheme hrang hrang 13-ah MGNREGA nen ṭangkawpa hna thawh a ni dawn a, line department-te’n scheme hlawhtlin nana sum leh hmanraw ṭul dangte tumin, MGNREGA hnuaiah mipuite’n tha an thawh thung ang.