Chalfilh bialtu MLA-in a bial chhunga Kawng siam mek leh lei a enfiah

Chalfilh bialtu MLA Dr Ngurdingliana chuan a bial chhunga kawng thawm ṭhat mek leh lei him tâwk lo nia sawi Sesawng leh Khawruhlian inkara Tuirini lei a enfiah.

Dr Ngurdingliana hian Thawhlehni khan a bial chhunga inkalpawhna kawngpui NH-150 thawm ṭhat mekte chu a hmunah enfiah. Leimin leh kawng hêkte thawm
ṭhat hna hmun eng emaw zata thawh mek chu
ṭha thawkhata a hriat thu sawiin, kawng siamtute'n a nih tur ang taka an siam theih nan mipuite chu vilpui turin a sáwm.

Sesawng leh Khawruhlian inkara Turini lui kânna tura thir lei dawh chu tun dinhmunah a ṭhat tâwk tawh loh avangin motor lian zawh atan a him tawh loa hriat a n a; chuvang chuan Dr Ngurdingliana hoin Chalfilh huam chhunga tlawmngai pawl leh PWD hotute'n an enfiah. Leiah hian tun dinhmunah chuan ton 10 aia rit kaltlang phal a ni tawh lo.

PWD hotute chuan, lei hnuai inzawmna thîr ṭha tawh lote chu a rang lama siam ṭha turin hma an lak mek thu MLA an hrilh a; Chalfilh bial-te tana châkkhai lamna kawng pawimawh a nih avangin khawtlangte nena ṭangruala enkawl leh vên kawngah ṭanho a ṭul thu an sawiho a ni.

Dr Ngurdingliana chuan, Sesawng leh Khaw-ruhlian inkara Tuirini lei chu chak zawka siam ṭhat a nih theihna atan hma a lak tur thu a sawi.