Ruahtui tla zat a pung

Champhaia Agriculture department chhin-chhiah danin, May 2015 aiin May 2016-ah Champhai district-ah ruahtui a tla tam zawk. Nikum May thla chhung khan ruahtui 108.625 mm a tla a, kumin-ah chuan May 23 thleng khan 261.3 mm a tla tawh.

Kum 2010 hnua May thla chhunga Champhai district-a ruahtui tlak tam ber kum chu 2013 kha a ni a, 446 mm a tla a, nikum kha a tlak tlem ber ṭum a ni.

Kumin chhungin Champhai district-ah ruahtui 432 mm a tla tawh a, thlatin 86.40 mm tla ziah ang a ni a; kum 2010 chhung khan ruahtui 2,349 mm tlain, thla tin 234.90 mm tla ziah ang a ni.

Kum sarih kal ta chhung khan Champhai district-ah kum 2010 khan ruahtui a tla tam ber a, kum 2014-ah a tla tlem ber thung. Kum sarih kal ta chhunga ruahtui tla zawng zawng chu 12,021.67 mm, niin kum tin 1,717.38 mm tla ziah ang a ni.