Court thutlukna ṭhenkhat appeal an rel
Standing Committee on Ac-quital Cases for Aizawl Ju-di-cial District chuan thubuai ṭhenkhata Court thutluknate chu a fuh tawk lo nia ngaiin, Court sang zawka thlen (appeal) an rel.
Standing Committee on Acquital Cases for Aizawl Judicial District hi an chairman LT Hrangchal, Mizoram police-a DIG (Northern Range) hoin nimin khan an ṭhukhawm a, district SP te, public prosecutor-te leh police officer dang eng emaw zat an tel. Court-in thil sual tia puhte a chhuahna (acquital) case zir chianna an nei a ni.
Meeting-ah hian, thubuai ṭhenkhatah pawi khawihna chhuitu, investigating officer (IO) leh sorkar ukil (public prosecutor)-te hmalakna fuh tawk loh vangin misualte'n thiam an chang ṭhin tih sawi lan a ni a; thil sual titute ngei nia langte'n hremna an pumpelh fo ṭhin tihtlem nan insiamṭhat ngaihna lai turte an sawiho a ni.
NDPS Act kaihhnawih case-te pawh chhui bingin, Court-in thiam chantira a chhuah an tam chhante pawh chhui chiangin, police lam aṭanga hma-lakna tur awmte an sawiho a; Court roreltute hmaah ruihhloa inhnamhnawihte chhuah theihna tur bûk a rit viau anga lang theite a reh theih nan police leh public prosecutor-te ṭan lakna tur tam tak a awm thute an sawiho bawk.