Kuhva chíngtute harsatna sukiang turin hmalakna thar kan nei - Home department

Home department chuan thuchhuah siamin, Mizorama kuhva rah chíngtute'n an kuhva thar hralhnaah ram dang aṭanga dan loa kuhva lak luh a awm ṭhin avangin harsatna an tawhte an hriat thu leh harsatna sutkian nan hmalakna thar an neih thu an tarlang.

Home department tarlan danin, kuhva rahte chu Mizoram tualchhunga thar ngei a ni tih tichiang (certify)-tu atan kuhva chíngtu tamna hmun - Aizawl, Kolasib leh Mamit district-ahte certifying officer ruat a ni a, May 27, 2024 khan notification tihchhuah a ni.

Home department notification hi https://home.mizoram.gov.in/qm... aṭangin lak (download) theih a ni a; notification-ah hian certificate of origin pek chhuah dan tur leh certificate hman dan tur kaihhruaina (guidelines) tarlan a ni.

He hmalakna hi Mizorama kuhva rah chíngtute tan mai ni loin, checkgate-a duty-te leh dan kengkawhtute tan pawh remchan zawkna a nih an beisei thu an tarlang bawk.