MZP-in HSSLC 2024-a top 3-te chawimawi

MZP General Headquarters chuan nimin khan Vanapa Hall-ah Higher Secondary School Leaving Certificate (HSSLC) Examination 2024-a stream pathuma top 3 zinga Mizo zirlaite chawimawina hun an buatsaih a, School Education minister Dr Vanlalthlana'n a hmanpui.

School Education Minister chuan, HSSLC zawh chu bul ṭanna a nih thu sawiin, zirlaite chu hmabak an la ngah avangin hlawhtling zel tura theihtawp chhuah turin a fuih a; an thiamna leh finnate Mizoram tan hmang turin a chah.

Dr Vanlalthlana chuan, lehkha zirlai atana ṭangkai vak lo thilte pawhin hriatnate a tipung a, thluak sawizawi nan a ṭha tih sawiin, "Thil zir belh zel nan leh hmasawnna turin min pui ṭhin. Thiamthil (skill) hi tunlaiah a pawimawh tawh êm avangin zirlai piah lamah themthiamna nei turin ngaihtuahna i séng ang u," a ti.

Chawimawina inkhawmah hian HSSLC 2024-a arts, science leh commerce-a top 3-a lang Mizote hnenah chawimawina thuchei leh Rs 5,000 ṭheuh hlan a ni. MZP president H Lal-

thianghlima'n thu a sawi bakah, tun hnaia Cyclone Remal vanga zirlai thite sûnna hun hman a ni.